Vatican:Papa yatoye abacardinal bashya 21 barimo batatu bo muri Africa
Kuri uyu wa 9 Nyakanga 2023, Papa Fransisiko yatangaje abakaridinali bashya 21 bazashyirwa muri uru rwego tariki 30 Nzeli 2023. Muri bo hakaba harimo batatu bo muri Afurika.
Nyuma y’Isengesho ry’indamutso ya Malayika ryo kuri iki cyumweru, ni bwo Papa Fransisiko yamenyesheje abakristu urutonde rw’abakaridinali bashya yatoye ngo bakomeze kumufasha bya hafi mu butumwa bwo kuyobora Kiliziya.
Muri aba bakaridinali 21 Papa Fransisiko yatangaje, harimo 3 bo ku mugabane w’Afurika ari bo Myr Rugambwa Protais, w’Arikidiyosezi ya Tabora muri Tanzaniya, Myr Stephen Ameyu Mula, Arikiyepiskopi wa Juba muri Sudani y’Epfo na Stephen Brislin, Arikiyepiskopi wa Cape Town muri Afurika y’Epfo.
Mu bakaridinali 21 batowe 18 ni bo bafite imyaka ibemerera kuba batora Papa ni ukuvuga munsi ya 80. Kugera ubu Abakaridinali 137 ni bo bajuje ibisabwa uwemerewe gutora Papa.
Ivomo:Kinyamateka.rw
