Nshimiyimana sostene uvuka mu mudugudu wa gatanga mu kagari ka Nyabintare mu murenge wa Nyakabuye ho mu karere ka Rusizi yitwikiriye imvura saa munani z’amanywa yiba ihene muri uwo mudugudu.
Amakuru aturuka mu kagari ka Nyabintare avuga ko Nshimiyimana Sostene acyekwaho kwica ihene yuwitwa Mbonyimana Kayitani wo mu murenge wa Butare uhana imbibi n’uwa Nyakabuye akiruka agacika.
Amakuru atangwa n’inzego z’ibanze muri ako gace avuga ko uwo Nshimiyimana Sostene asanzwe azwiho kuba igihazi dore ko asanzwe yiba ibintu bita dukanye muri ako gace ibyo abaturage abavuga ko bakomeje no kugorwa n’ibyo bihazi byahagize indiri.
Abaturage bavuganye na kivupost bavuga ko basaba inzego z’ibanze ku bufatanye n’inzego z’umutekano bagahashya ibyo bihazi bigaragara cyane mu kagari ka Nyabintare mu murenge wa Nyakabuye.
Ati:”Turashaka ko inzego z’ibanze n’iz’umutekano zafatanya hakarwanya ibyo bihazi bikomeje kuzengereza abaturage hano iwacu.”
Muri aka gace usanga abaturage bataka bya hato na hato urugomo n’ubujura buharangwa bagasaba ko inzego zitandukanye zacyemura iki kibazo.
