Rusizi:Yafashwe yibye Banderole yagenewe Kwibuka Jenoside Yakorewe Abatutsi

musore wo mu kigero cy’imyaka 27 Witwa Nsanzumuhire James wo mu mudugudu wa Gishagara mu kagari ka Kamanu mu murenge wa Nyakabuye ho mu Karere ka Rusizi yafatanywe Banderole yagenewe gutambutsa ubutumwa bwo kwibuka ku nshuro ya 29 Jenoside Yakorewe abatutsi mu w’1994 yayibitse mu rugo iwabo.
Amakuru yizewe Kivupost yamenye nuko byamenyekanye ahagana i saa mu nani zo ku cyumweru Ku wa 21 Gicurasi 2023 aho umuzamu urinda ishuri ribanza rya Gishagara yaje ku kazi yareba aho banderole yarimanitse akayibura ahita abimenyesha ubuyobozi bw’ikigo n’inzego z’umutekano.
Bikimenyeshwa inzego z’umutekano Dasso;Polisi na n’Urwego rw”Ubugenzacyaha hatangiye iperereza kugirango hamenyekane uwaba wibye iyo banderole.
Umuyobozi w’ikigo cy’ishuri ribanza rya Gishagara Bwana Irivuzumugabo Deo yabwiye Kivupost ko kugirango iboneke habayeho ko inzego z’ibanze ubuyobozi bw’akagari na Dasso bakoresha abaturage inama yigitaraganya.
Uyu Muyobozi yakomeje avuga ko abaturage bakiza babaciyemo amakipe kugirango batangire gusaka buri rugo ku bw’amahirwe habonekamo umubyeyi uhamya ko iyo Banderole yayibonye ahantu ubwo isaka rirahagarara.
Ati:
“Nk’ubuyobozi twatumije Inama;abaturage baraza dutangira gusaka ku bw’amahirwe haboneka umubyeyi uduha amakuru ko azi aho yayibonye maze gusaka birahagarara bihutira gushaka uwo mwana wavuzwe.”
Amakuru Kivupost yamenye nuko Nsanzumuhire wavuzwe akiboneka yahise yemera nta mananiza ko ariwe wayitwaye anerekana aho iri ariko akavuga ko yasanze yahubutse hejuru aho yarimanitse;ayitwara ngo azayishyire ku muryango w’urwogero(Douche)
Aya makuru kandi yemejwe n’Umunyamabanga Nshingwabikorwa w’Umurenge wa Nyakabuye Bwana Kimonyo Kamali Innocent avuga ko ayo makuru ari impamo ko banderole yariyibwe ariko ko yabonetse.
Yagize ati:
“Nibyo koko ayo makuru niyo banderole yaribwe ariko uwayibye yarayigaruye.”
Kuri ubu Nsanzumuhire James akaba yarashyikirijwe Urwego rw’Ubugenzacyaha Station Rib Nyakabuye kugirango asobanure impamvu yo kwiba iyo banderole.
Muri uyu Murenge wa Nyakabuye hakunze kugaragara iyibwa ry’amabendera aba ari cyane