Ahagana I saa Tatu na mirongo ine n’ibiri ahagana mu ihuriro ry’umuhanda wo mu kadasomwa habereye impanuka ya moto ifite ibirango RE 940D yaritwawe n’umumotari witwa Ntakirutimana Theophile w’imyaka 34 y’amavuko.
Ni nyuma yuko yagonganye n’umunyonzi warutwaye igare ritwayeho litiro 5 z’amata nkuko twabihamirijwe nababonye iyo mpanuka.
Ababonye iyo mpanuka babwiye kivupost ko iyo mpanuka yabaye bitewe no kudasiga intera hagati yuwarutwaye moto nuwarutwaye igare.
Ati:”icyateye impanuka twabonye ko ariko bose basaga nabegeranye nta ntera basize hagati y’ibibyabiziga byabo bityo bigatuma bagongana.”
Uwarutwaye moto yakubise umutwe kuri bordure y’umuhanda ahita yitaba imana mu gihe mu gihe umugenzi n’uwarutwaye igare bakomeretse byoroheje.
Ubwo twakoraga iyi nkuru uwapfuye yajyanywe mu bitaro bya Gihundwe kugirango umurambo we ukorerwe isuzuma;ni mugihe uwarutwaye igare n’igare rye yajyanywe kuri Station ya RIB kugirango hakorwe iperereza.
Mu gihe twakoraga iyi nkuru twashatse kuvugisha umuvugizi wa polisi ishami ryo mu muhanda ntibyadukundira.
