Ni imvugo abaturage bo mu murenge wa Butare mu tugari tugize uwo murenge bavuga ko bari mu bukene bukabije GiveDirectly itaraza ariko aho iziye ikaba yarahinduye imibereho yabo mu buryo bugaragara.
Ibi babitangarije ku kibuga cyo mu mudugudu wa Kareba mu kagari ka Gatereri kuri uyu wa kabiri tariki ya 12 Ugushyingo 2024 ubwo hasozwaga ku mugaragaro ibikorwa bya GiveDirectly muri uyu murenge.
Mu baganiriye na kivupost bavuze ko bashoboye gukora byinshi harimo korora amatungo magufi ,gusanura amazu ,kugura ibiryamirwa ibj byose bikiyongeraho kugura ubutaka mu bice bitandukanye mu karere ka Rusizi n’ahandi.
Ndebeyinka Josepha atuye mu mudugudu wa Kareba mu kagari ka Gatereri mu murenge wa Butare yavuze ko Give Directly itaraza atararagura inka ariko kuri ubu akaba ayitunze .
Ati:”Uyu mushinga utarazanwa na Nyakubahwa Presida wa Repubulika sinarintunze inka ariko ubu mdayifite nanabashije kugura amasambu mu murenge wa Gikundamvura,turashima ubuyobozi bwacu kuba bwaraduhaye inkunga y’aya mafaranga.”
Daniel Ishimwe Yavuze ko yubatse inzu ibyatumye atunga ubutaka mu gihe ntanaho guhinga yigeze .
Ati:”Mu nkunga nahawe Naguzemo ubutaka mpingamo ,mbere nta butaka nagiraga ariko ubu mpinga ibihingwa bitandukanye bityo nkihaza mu mirire ngasagurira n’amasoko.”
Country Director wa Give Directly yabwiye abaturage ba Butare ko ari ikimenyetso cyibishoboka kuko berekanye ko ikibura cyari amafaranga atari amaboko n’ubwenge ashimira abaturage ku kuba barabyaje umusaruro amafaranga bahawe.
Ati:”Mwerekanye ko muri uruugero rw’ibishoboka aho mwakoresheje inkunga mwahawe neza ,mwerekana ko icyaburaga ari amafaranga atari amaboko n’ubwenge.”
Yunzemo ko Give directly izakomeza kubaba iruhande mu buryo barajya bamenya uko abagemerwabikorwa ba Give directly bakomeza gukoresha inkunga bahawe neza.
Umuyobozi w’akarere ka Rusizi Dr Anicet kibiriga yavuze ko miriyari Eshatu n’igice zimaze kugera muri uyu murenge wa Butare ;zahawe 88% ariko nabwo 12% byabasigaye babaruwe nabo inkunga izabageraho ku buryo miriyari zirindi zagenewe uwo mushinga nazo zizatangwa.”
Dr Anicet Kibiriga yavuze ko babicyesha iyi nkunga hakozwe byinshi harimo abaturage bishyize hamwe bagura imodoka ;ubutaka n’ibindi bishyigikiye iterambere ryabo.
Ati:”Uyu murenge wahawe Give Directly umaze gutera imbere ahakozwe ibikorwa bitandukanye bizamura iterambere ry’umuturage aho hari nabishyize hamwe bagura imodoka n’ubutaka,turashima abaturage bubahirije agashya kacu ka Rusuzi ko gukira tubigizemo uruhare,turabashima.”
