Mu masaha ya mugitondo ahagana i saa tatu z’igitondo mu murenge wa Muganza habereye impanuka yahitanye umunyegare bivugwa ko yaratwaye intoryi azijyanye mu Murenge Bugarama ahitwa muri cite.
Ababonye iyo mpanuka bavuga ko yatewe n’umuvuduko aho ambulance yihutaga igahita ihitana umunyonzi.
Darlene Mukankusi atuye mu kagari ka Cyarukara avuga ko babonye ambulance ihitana umunyonzi agahita ahasiga ubuzima .
Ati :”twabonye ambulance yihutaga ku muvuduko mwinshi umunyonzi wasunikaga igare iramuhitana.
Ni amakuru yemezwa n’inzego z’ibanze zo muri Uwo murenge ko koko iyo mpanuka yabaye ikaba yahitanye umunyonzi ufite inkomoko mu murenge wa Nyakabuye.
Mu muhanda werekeza mu murenge wa Bugarama usanga hari ahantu hamanuka cyane ugasanga amagare ahagera ari ku muvuduko mwinshi abanyonzi bakaba bagirwa Inama yo gukurikiza amategeko agenga umuhanda ibyo polis y’igihugu idahwema kubashishikariza bakajya baba bavuye mu muhanda i saa kumi n’ebyiri z’umugoroba.
