Umugabo wo mu mudugudu wa Karujanga mu kagari ka Kigoya mu murenge wa Kanjongo aravugwaho gutema se akoresheje umupanga yaramaze iminsi ajyanye kuri ponceuse gutyaza.
Amakuru kivupost yamenye nuko ku wa gatandatu tariki ya 12 Gicurasi 2024 umugabo witwa Barinda Oscar yagiye mu isanteri ya Kirambo ajya gutyazisha umupanga utemagura se amuziza ko yamwimye isambu agurisha.
Mu baganiriye na kivupost bavuze ko uyu mugabo yariyarabigambiriye dore ko bahoraga mu makimbirane na Papa we umubyara.
Ati:’igihe cyose yubwiraga kumuha isambu ngo ayigurishe Papa we akabyanga nibwo gupanga uriya mugambi kubisha.
Amakuru yizewe avuga ko akimara gutema Papa we yahise ahunga ariko inzego z’umutekano zikomeza kumushakisha ku bufatanye n’abaturage arafatwa
Ati:”Yakomeje kugenda yihishahisha gusa kubera inzego zacu z’umutekano ku bufatanye natwe abaturage tumuta muri yombi.”
Kuri ubu nibwo nta urwego rwakaduhamirije aya makuru ;biravugwa ko Barinda Oscar yafatiwe ahitwa mu I Bambiro ya Gatare mu murenge wa Macuba aho yagendaga yihishahisha akaba yaba afungiye kuri Station ya RIB ya Kanjongo.
Si ubwa mbere muri uyu murenge havugwa inkuru za hato na hato zishingiye ku makimbirane aturuka ku mitungo cyane cyane amasambu .
