Mu Karere ka Nyamasheke, Umurenge wa Karambi haramukiye inkuru mbi y’umusirikare ufite ipeti rya Seargent witwa Minani Gervais waraye abaturage yicamo batanu.
Itangazo rya RDF rivuga ko uwo musirikare yafashwe, ubu akaba afunzwe mu gihe hagikorwa iperereza ryisumbuye.
Amakuru Kivupost ikesha umwe mu baturage b’aho byabereye avuga ko uwo musirikare yabanje gutongana n’abantu bari aho bapfa ko yanywereye ibihumbi bine yashaka kwishyura kuri Mobile Money bakabyanga gushyamirana bigatangirira aho.
Uyu Musirikare yakomeje asaba ko yakishyurira kuri mobile money akemera akarenzaho ayo kubikuza barabyanga kugeza ubwo bamwanjamye batangira kumukubita.
Yaje rero kubinyugushura aragenda aza yambaye impunzankano ya gisirikare n’imbunda ,arasa batanu barapfa ,nyirakabari banyweragamo ariruka.
RDF ivuga ko idashyigikiye ibyabaye kandi ko ari ibintu bibabaje….
