ku wa kabiri tariki ya 21 Mutarama 2025 nibwo Umunyamabanga Nshingwabikorwa w’umurenge wa Karengera mu karere ka Nyamasheke mu ntara y’Uburengerazuba witwa Birindabagabo Moise yagize mu i Santeri yitwa “Kigali”mu iherereye muri uwo murenge mu kagari ka Gashashi mu nteko z’abaturage.
Amakuru yizewe kivupost yamenye nuko atahagutse wenyine kuko yarikumwe n’abakozi babiri buwo murenge harimo ushinzwe ubuvuzi bw’amatungo n’ushinzwe Irangamimere na Notariat .
Bageza aho bakorera inteko z’abaturage bahasanze abandi bayobozi b’akagari ka Gashashi nabari mu buyobozi bwa RPF mu kagari batangira inteko z’abaturage zabajyanye.Gusa amakuru akomeza avuga ko nubwo ari inteko z’abaturage barimo ,hari nindi gahunda yo guca ibiryabarezi muri iyo centre bizwiho guteza urugomo n’umutekano muke muri iyo centre dore ko mu minsi ishize hari abarwanye birangira baterenye ibyuma nubwo baje kwiyunga.
Amakuru kivupost yamenye nuko inteko z’abaturage zirangiye aba bayobozi bagiye aho ikiryabarezi cyari kiri baragifata bakibitsa mu nzu ya Chairman wa RPF mu kagari ka Gashashi kugirango kize kujyanwa ku murenge .Ubwo kikimara gufatwa abatandukanya barimo n’inshuti za Gitifu batangiye kumuha Sms zo kumusaba ko icyo kiryabarezi atakijyana dore ko hari na Copy ya Sms Kivupost ifite yasabaga gitifu gusubiza icyo kiryabarezi agahabwa 20k ariko Gitifu akanangira akanga.
Inama isoje bicaye kwa Chairman wa RPF mu kagari ka Gashashi we n’abandi bayobozi napanga ukuganda rusange wo gukora umuhanda(Mwezi-Rwabidege)wangiritse nibwo umukecuru witwa Mukakarangwa Adelaide yaje abasanga yasinze atangira kubabwira amagambo ateye isoni yerekeye ibitsina ,ariko amakuru akavuga ko Nyirikirtabarezi witwa Dativa yariyumvikanye nuwo mukecuru ko agenda akacyimusabira Gitifu Dore ko uwo Mukakarangwa Adelaide avuga ko afite abana bakomeye gusa bamwe mu baturage bagahamya ko asanzwe adafite imyitwarire iboneye ku mubyeyi ungana iriya myaka (65).
Byakomeje gutyo gusa birangira abayobozi bamuhunze arikl akomeza ahatiriza.Nyirinzu barimo niwe mamugiriye inama yo gusohoka akareka bagapanga uwo muganda arasohoka ,ageze hanze nibwo batunguwe no kumva umuntu avuza induru ko akubiswe na Gitifu w’Umurenge birabayobera.
Chairman wa RPF mu kagari ka Gashashi akaba ari nawe nyiriyo nzu barimo aho ikiryabarezi cyari kiri yabwiye Kivupost ko bacyumva umuntu ataka yihutiye kureba asanga ni Mukakarangwa Adelaide uryamye hasi avuga ko akubiswe na Gitifu ,utigeze anasohoka aho yicaye.
Ati:”Naramusohoye tuganira ,tugeze hanze nongera nsanga ba mudugudu na Gitifu dupanga umuganda ,ngiye kumva nibwo numvise umuntu ataka avuga ko Gitifu amukubise kandi atarigeze asohoka.”
Umukaza wuwo mukecuru waje ahurujwe Nyirabukwe aryamye hasi yabwiye Kivupost ko akihagera yasanze koko Gitifu arikumwe nabo bayobozi yabaza icyabaye kuri Nyirabukwe akabwirwa ko batakizi gusa yagerageza kubyutsa Nyirabukwe akamubera ibamba.
Ati:”Nahamagwe na telefoni mu masaha ya nimugoroba mbwirwa ko mabukwe aryamye hasi ariko kubera ko arwara umuvuduko ananywa agacupa naje kumureba gusa mbajije abayobozi bambwira ko batazi icyo abaye maze ngerageza kumubyura biranga.”
Uyu mukazana we avuga ko amakuru yakuye kuri Nyirakabari Dative watswe icyo kiryabarezi aruko yamwibwiriye ko uwo mukecuru yakubiswe na Gitifu Birindabagabo.
Ati”:Dativa yanyibwiriye ko mukecuru aryamye hasi nyuma yo gusunikwa na Gitifu Birindabagabo nuko namenye iyo nkuru.”
Umwe mu basaza baba muri uyu mudugudu wanabaye Konseye cyera avuga ko batatunguwe nibyo bumvise avuga ko uyu mukecuru Mukakarangwa Adelaide yabigize akamenyero dore ko bivugwa ko hari umuntu ufungiye muri Gereza ya Rusizi bashyamiramye kubera ubusinzi bikarangira avuye amaraso ibyo we yareze ko ari inda ye bamukuyemo akaba yarakatiwe.
Ati:”Uriya mukecuru apfa kunywa ku nzoga agatangira kwiyenza,ibaze nawe umukecuru unywa inzoga akageza Saa sita z’ijoro nuko ateye ariyenza ku bantu ibyo nibyo abaturage tumuziho.”
Mu gihe twakoraga iyi nkuru byavugwagaa ko Mukakarangwa Adelaide arwariye mu kigo nderabuzima cya Kamonyi cyo muri Ruharambuga.
