Umutoza mukuru w’ikipe ya Arsenal, Mikel Arteta, niwe wamaze gutorwa nk’umutoza w’ukwezi Kwa munani muri shampiyona y’igihugu y’Ubwongereza.
Uyu mutoza Mikel Arteta atsindiye iki gihembo nyuma yo gufasha ikipe ya Arsenal gutangira shampiyona neza, Aho yatsinze ikipe ya Crystal Palace, Leicester city ndetse aza gukomerezaho atsinda nindi mikino itatu yikurikiranya, byatumye ikipe ya Arsenal kuri ubu yicaye ku mwanya wa mbere.
Mikel Arteta akaba yegukanye iki gihembo ahigitse abandi bari bahanganye nawe barimo umutoza Pep Guadiola wa Manchester City, Graham Potter wahoze atoza Brighton kuri ubu akaba atoza Chelsea, Marco Silva utoza Fulham ndetse na Antonio Conte utoza Tottenham Hotspurs.
Uyu mutoza ukomoka mu gihugu cya Espagne, kuva yagera mu ikipe ya Arsenal akomeje kugenda azamura urwego rwe rw’imitoreze ndetse bigaragara ko uyu mwaka ashobora kuzagira ikintu gikomeye akorera iyi kipe nihatazamo ibindi bibazo.
Ntabwo Ari ku nshuro ya mbere uyu mutoza Mikel Arteta yegukana igihembo cy’umutoza w’ukwezi muri shampiyona y’igihugu y’Ubwongereza, kuko iki kibaye igihembo cya gatatu yegukanye nyuma yaho umwaka ushize yari yegukanye ibi bihembo inshuro ebyiri harimo icy’ukwezi Kwa Werurwe ndetse na Nzeri.
