Ikipe ya Manchester City inyagiye imvura y’ibitego mucyeba wayo basangiye umujyi umwe ariyo Manchester United.
Mu mukino wa shampiyona y’icyiciro cya mbere mu Bwongereza, Premier league wakinwaga kuri uyu munsi hagati y’amakipe abiri y’ibigugu muri iki gihugu ndetse asanzwe asangiye n’umujyi umwe abarizwamo, birangiye habonetse ibitego 9 muri uwo mukino.
Ni umukino watangiye ikipe ya Manchester City yari yakiriye mucyeba wabo isatira cyane ku buryo bukomeye ndetse byaje no gutuma isoza igice cya mbere ifite ibitego 4-0 bwa Manchester United, akaba Ari ibitego byatsinzwe na Haaland ndetse na Phil Foden.
Mu gice cya kabiri ikipe ya Manchester United yagarutse ubona isa naho yisubiyeho cyane ndetse itangira no gusatira, byaje no gutuma itangira kugabanya umubare w’ibitego yari yatsinzwe nyuma yaho uwitwa Antony Samba ukomoka mu gihugu cya Brazil atsindiye igitego cya mbere ku ruhande rw’iyi kipe.
Ibintu byaje kongera kuba bibi ku ikipe ya Manchester United nyuma yaho rutahizamu Erling Haaland atsindiye igitego cya gatanu ku ruhande rwa Manchester City ku mupira mwiza yari ahawe na mugenzi we Phil Foden bafatanije kwandagaza Man United uyu munsi.
Ntibyarangiriye aho kuko nyuma y’iminota micye cyane abasore ba Manchester City bazamukanye umupira bawugeza kuri Erling Haaland, maze nawe nawe ntiyawutindana ahita atanga umupira mwiza kuri rutahizamu wo ku ruhande Phil Foden wahise atsinda igitego cya gatandatu ku ruhande rwa Manchester City.
Amakipe yombi yakomeje guhatana areba yabona ibindi bitego ndetse biza kuba byiza ku ruhande rwa Manchester United yaje kubona ibindi bitego 2 byatsinzwe na Antony Martial maze umukino urangira Ari ibitego 6 bya Manchester City kuri 3 bya Manchester United.
