Madamu Jeannette Kagame azafungura ku mugaragaro ikibuga cya Basketball giherereye ku Kimironko mu Karere ka Gasabo ku wa Gatandatu tariki 27 Gicurasi 2023.
Iki gikorwa kizaba gikomatanyijwe no gusoza imikino ya BAL izasozwa ejo ku wa Gatandatu, bikaba biteganyijwe ko iki kibuga kizatahwa mbere y’iyi mikino ya nyuma.
Madamu Jeannette Kagame azaba ari kumwe na Perezida wa BAL, Amadou Gallo Fall, Minisitiri wa Siporo Munyagaju Aurore Mimosa, Umuyobozi mukuru wa NBA Africa, Victor Williams ndetse na Perezida wa Federasiyo ya Basketball y’u Rwanda, FERWABA, Desire Mugwiza.
Iki kibuga cyubatswe mu rwego rwo guteza imbere umukino wa Basketball mu bana, ku bufatanye na Imbuto Foundation, FERWABA, BAL na Minisiteri ya Siporo.
