Ni nyuma yaho kuri uyu mugoroba wo Ku wa kabiri Ishyirahamwe ry’umupira w’amaguru mu Rwanda (FERWAFA) risohoye urutonde rw’abakandida bemerewe gupiganirwa imyanya y’ubuyobozi muri ryo.
Kuri urwo rutonde hagaragara amazina y’abantu batandukanye batanze ibyangombwa byabo basaba kwiyamamariza imyanya itandukanye barimo Gacinya Chance Denis wigeze kuyobora Rayon Sports na Murangwa Eugène Eric wakiniye Amavubi bakuwe ku rutonde rw’abiyamamarizaga kuyoborwa Ishyirahamwe ry’Umupira w’Amaguru mu Rwanda, FERWAFA, mu matora ateganyijwe ku wa 24 Kamena 2023.
Gacinya Chance Denis yiyamamaje ku mwanya wa Visi Perezida wa Kabiri ushinzwe Tekiniki mu gihe Murangwa Eugène Eric we yatanze kandidatire ku kuyobora Komisiyo Ishinzwe Iterambere ry’umupira w’amaguru.
Kuri uru rutonde kandi hagaragara Munyentwari Alphonse wigeze gukora mu nzego z’ibanze aho yabaye Guverineri w’intara y’Uburengerazuba akaba ariwe mukandida rukumbi ku mwanya wa Perezida w’ishyirahamwe ry’umupira w’amaguru mu Rwanda(FERWAFA).
Gacinya Chance Denis ;kandidatire ye ntiyemewe;Uyu akaba yarigeze kuyobora ikipe ya Rayon Sport (Gikundiro)
