Kuri uyu wa gatanu tariki ya 14 Kamena 2024 Komisiyo y’amatora yatangaje urutonde ntakuka rw’abakandida ku mwanya w’Umukuru w’igihugu , aho Komisiyo y’amatora yemeje Dr Frank Habineza ko ari we uzaserukira Ishyaka Green Party of Rwanda mu matora y’umukuru w’igihugu .
Ku mwanya w’Umukuru w’igihugu Komisiyo y’amatora yongeye gushimangira ko Kagame Paul watanzwe n’umuryango RPF Inkotanyi, Dr Frank Habineza watanzwe n’ishyaka Green Party of Rwanda ndetse na Mpayimana Philippe umukandida w’igenga.
Ishyaka rya Green Party of Rwanda ryatanze nabwo abakandida 50 ku mwanya wo kubahagarira mu nteko ishinga amategeko umutwe w’abadepite mu matora agiye kuba muri uku kwezi kwa Nyakanga uyu mwaka.
Ku mwanya w’umudepite w’igenga Komisiyo y’amatora yashimangiye ko Nsengiyumva Janvier ariwe wujuje ibisabwa
Ubwo hatangazwaga urutonde rw’agateganyo Ishyaka riharanira Demokarasi no kurengera Ibidukikije mu Rwanda Green Party of Rwanda ryari rifite abadepite icyenda, ni mugihe kurutonde ntakuka abadepite biyongereye bakagera kuri 50 barimo abagore 24 ndetse n’abagabo 26.
Biteganyijwe ko amatora y’umukuru w’igihugu naya abadepite azatangira tariki ya 15 Nyakanga 2024.
