Ikipe ya Rayon Sports yamaze gutangaza ko yasinyishije myugariro Ally Omar Serumogo wakiniraga ikipe ya Kiyovu Sports
Nyuma y’iminsi yari amaze yarumvikanye n’ikipe ya Rayon Sports ko agomba kuyikinira imyaka ibiri, ikipe ya Rayon Sports yerekanye uyu mukinnyi ibinyujije ku mbuga nkoranyambaga zayo.
Ku mashusho Rayon Sports yagaragaje, uyu myugariro Serumogo Ally Omar yambaye umwambaro wa Rayon Sports ari ku kibuga cy’imyitozo cya Rayon Sports giherereye mu Nzove, atangaza ko kuba yasinye muri iyi kipe ari uko ari ikipe nkuru kandi ikundwa na benshi.
Yagize ati “Impamvu nahisemo Rayon Sports ni ikipe y’abanyarwanda, ni ikipe ikunzwe n’abanyarwanda benshi, ni ikipe nkuru mu Rwanda mu bijyanye no gutwara ibikombe, ni ikipe izakina imikino mpuzamahanga, ni ikipe numva izanzamurira urwego mu byo nifuza mu iterambere ryanjye kandi ni n’ikipe bijyanye n’ubushobozi bwanjye nzagiriramo ibihe byiza kuri njyewe”
