#AMATORA24:Umukandida w’Umuryango RPF-INKOTANYI yakomereje ibikorwa bye byo kwiyamamaza I Rusizi
Kuri uyu wa Gatanu tariki ya 28 Kamena 2024 nibwo umukandida w’Umuryango wa RPF -INKOTANYI Chairman Paul Kagame arakomereza ibikorwa bye byo kwiyamamaza mu karere ka Rusizi mu ntara y’Uburengerazuba.
Ni mu gihe ku munsi wejo tariki ya 27 Kamena 2024 yiyamarije mu ntara y’Amajyepfo mu karere ka Huye nyuma aza gukomereza ibikorwa bye byo kwiyamamaza mu karere ka Nyamagabe kuri Stade ya Nyagisenyi aho yakirijwe n’uruvunganzoka rw’abaturage baturutse mu bice bitandukanye bya Nyamagabe n’inshuti zabo.
Mu baganiriye na Kivupost bavuze ko baje gushyikira umukandida wabo wabagejeje kuri byinshi muri iyi myaka 30 ishize Jenoside yakorewe Abatutsi mu
Rwanda ibaye.
Ati:”Twishimiye kwakira umukandida wacu I Rusizi kugirango dutegure tuangamye uburyo tuzamuhundagazaho amajwi tariki ya 15 Nyakanga 2024;turishimye bitewe naho yatuvanye naho atugejeje kugirango dushimangire ibyiza dukomeza kugeraho.”
Urubyiruko rwaje kwakira umukandida wa RPF -INKOTANYI Chairman Paul Kagame ruvuga ko ari byinshi rwagezweho bitsa bavuga ku kigega bashyiriweho cya BDF libafasha kubona inguzanyo ku buryo bworoshye.
Ati:”Twashyiriweho ikigega gutuma twiteza imbere aho urubyiruko rutanga imishinga itandukanye muri icyo kigega rugafashwa kubona amafaranga yo gukora iyo mushinga rukiteza imbere.”
ABABYEYI BASUBIJWE AGACIRO NA CHAIRMAN PAUL KAGAME W’UMURYANGO WA RPF-INKOTANYI BAKEREYE KUMWAKIRA.
Chairman wa RPF -INKOTANYI Paul Kagame kuri Stade ya Rusizi yibukije urubyiruko ko ari rwo rufite umukoro wikubye kabiri wo gusigasira no kurinda ibyagezweho avuga ko afite icyizere ko nibiri imbere birashoboka.
Ati:”Urubyiruko mufite umukoro wikubye kabiri wo kurinda no gusigasira ibyagezweho ahubwo mugomba kubirinda.”
Yunzemo ko nta muntu wirahira uwamusezeranyije Inka ahubwo hirahirwa uwaguhaye Inka.
Ati:”Reka mbibutse ko ntawirahira uzamugabira Inka ahubwo hirahirwa uwarangije kuyitanga(kuyigororera);niyo mpamvu mbabwira gutora FPR-INKOTANYI Inkotanyi nk’Umuryango wabagabiye Inka dukomeze amajyambere;dukomeze umutekano ;abanzi bagannye.”
Akarere ka Rusizi kagizwe n’imirenge 18 abaje kwamamaza umukandida wa RPF -INKOTANYI bakaba baturutse muri iyo mirenge itandukanye igize aka karere ka Rusizi
REBA MU MAFOTO UKO BYARIBIMEZE.
REBA ABASAAMYI BA NKOMBO UKO BAKIRIYE CHAIRMAN WA RPF-INKOTANYI PAUL KAGAME KURI STADE YA RUSIZI
