Rusizi:40% by’umusaruro w’umuceri uteganyijwe mu cyanya cya Bugarama umaze kubona abaguzi
Impuzamashyirahamwe y’abahinzi b’umuceri mu kibaya cya Bugarama iratangaza ko 40% by’umusaruro uboneka muri iki cyanya cy’umuceri zimaze kugurwa na ba Rwiyemezamirimo batunganya umuceri muri iyi zone.
Presida w’iyi Mpuzamashyirahamwe Bwana Ukozehasi Andre yabwiye Kivupost ko ku ikubitiro inganda enye zitonora umuceri arizo zahawe kugura umusaruro mu nama baguranye ku Cyicaro cy’iyi Koperative.
Ati:”Ku ikubitiro twahaye inganda 4 zitunganya umusaruro isoko ryo kuwugura bityo bakaba bamaze gutwara 40% by’umusaruro bitandukanye no mu minsi yashize umusaruro wariwarabuze abaguzi .
Ukozehasi Andre avuga ko izo nganda enye zahawe isoko zizagura umusaruro umgana na Tones 5968,200kg aho buri ruganda ruzabona ungana na 1492,050Kg.
Ati:”Mu nganda enye zahawe umusaruro buri ruganda rufite ingano rurajya rugura bityo ko ibyo biri mu bizatuma kongera kubura abagizi bitabakoma mu nkonkora.”
Iyi Mpuzamashyirahamwe y’abahinzi b’umuceri ivuga ko mu itangira rya Sizeni kugirango umusaruro ukurwe ku mbuga zo hino no hino mu kibaya bitabaje inganda zizagura zikabaha amafaranga yo gutunganya inzira(imihanda)inyurwamo n’imodoka zitwara umusaruro.
Ati:”Mu rwego rwo gucyemura ikibazo cy’idindira ry’umusaruro wasanga mu gihe cy’imvura bigora imodoka gutambuka ugasanga bikomye igezwa ry’umusaruro ku nganda ni muri urwo rwego buri ruganda rwatanze agera ku bihumbi magana atandatu na mirongo itanu(650k) yo gutumganya inzira zinyuzwamo umusaruro,birumvikana ko inganda enye zatanze angana na miriyoni eshanu n’ibihumbi magana inani mirongo itanu(5850000) ,uyu akaba ari umusaruro w’inama yaduhuje n’abashiramari tariki ya 08 Mutarama 2025 .
Sindayiheba Felix ushinzwe ubuhinzi muri iyi mpuzamashyirahamwe avuga ko bizeye neza ko uyu mwaka umuceri wose uzagurwa ku buryo hatazabaho ko utinda ku mbuga nkuko byagenze sizeni ishize.
Aganira na Kivupost yagize ati:”Nkuko tubibona umusaruro w’umuceri twizeye ko uzagezwa wose ku isoko uko byakabaye kuko ingamba zarafashwe rero abahinzi bumve ko umurongo Nyakabahwa Prezida wa Repubulika yatanze ku musaruro uzakomeza gukurikizwa ,umuceri wabo ukagurwa.
Baranyomoza abavuga ibitandukanye.
Hari abatekamitwe n’abandi batandukanye bagenda biyitirira abakozi b’amakoperatives bavuga ko hari ibyo bumvikanye kugirango bazahabwe umusaruro bakavuga ko bitandukanyije na bene abo.
Ukozehasi Andre akaba na Presida w’impuzamashyirahamwe avuga ko mu minsi yashize hatambutse amajwi yababiyitirira bigize bamwe mu bakozi babo bababeshya ko nibabaha commision bazabaha umusaruro.
Ati:”Twitandukanyije nuwo ari wese ugenda wiyitirira abakozi bacu avuga ko bamwemereye umusaruro,turabibutsa ko itangwa ry’umusaruro rikorwa mu buryo bukurikije amategeko ,aho abarebwa nabyo bahura bakibira hamwe uzahabwa umusaruro ari nde,ndasaba abazunva obyo ko atari twe ahubwo ari abatwiyitirira.”
Impuzamashyirahamwe y’abahinzi b’umuceri mu kibaya cya Bugarama igizwe n’abahinzi 7500 bibumbiye mu makoperatives atandukanye bakaba bahinga ku buso bukabakaba Hectares 1422,625,uyu mwaka bakaba bateganya kubona Toni zisaga 5968,200kg.
