Rusizi-Gitambi:Urungabangabo ku mubiri wabonywe nabacukuraga imirwanyasuri

Mu mudugudu wa Kabonabose mu kagari ka Hangabashi mu karere ka Rusizi haravugwa ko hatahuwe umubiri wasanzwe aho bacukuraga imirwanyasuri muri ako gace.

Ahagana i saa sita (12h00) nibwo abari gucukura imirwanyasuri babonye umubiri mu mirwanyasuri bacaga nibwo guhamagara inzego z’ibanze babizimenyesha.

Amakuru abavuganye na Kivupost bayihaye bavuze ko uyu mubiri wabonetse mu isambu ya SEMANZI Onesme , hakaba hataramenyekana  niba ari uwuwazize Jenocide yakorewe abatutsi mu w’1994 cyangwa se niba ari uwahashyinguwe bisanzwe dore ko hari hatuye abantu baza kuhimurwa .

Mu gihe twakoraga iyi nkuru twagerageje guhamagara ubuyobozi bw’uyu murenge uwatwitabye avuga ko ari mu modoka ko araza kutuvugisha .

Ku rundi ruhande amakuru dukura imbere avuga ko ubuyobozi bw’uyu murenge n’inzego zitandukanye batangiye gushakisha amakuru yimbitse kuri uyu mubiri.

Turakomeza kubakurikiranira iby’iyi nkuru.